Magtymguly Pyragynyň doglan gününiň 300 ýyllygyna bagyşlanyp çap edilen «Kalplara siňen Pyragy» atly bu goşgular ýygyndysyna Myrat Garryýew adyndaky Türkmenistanyň Döwlet lukmançylyk uniwersitetiniň professor-mugallymlarynyň we talyp ýaşlarynyň goşgulary ýerleşdirildi. Goşgularda nusgawy şahyrymyz Magtymguly Pyraga, onuň bagtyýarlygyň sermaýasy bolan edep-terbiýe häsiýetli şygryýet dünýäsine bolan buýsanç ruhy joşgun bilen beýan edilýär. Dana şahyryň arzuwlan berkarar döwleti, bagtyýar zamanamyz, şeýle hem bize bu ajaýyplyklary peşgeş beren Gahryman Arkadagymyzyň, Arkadagly Serdarymyzyň il-ýurt bähbitli, dünýä ähmiýetli alyp barýan işleri dörediji mugallymlaryň we talyp ýaşlaryň ylham çeşmesidir.